Si na femmena te lassa
O te giura amore eterno,
he a penzà ca tutto passa,
passa ‘a State e passa ‘o Vierno…
E si ‘o tiempo va passanno
Accussì passammo nuie;
passa n’anno e già n’at’anno
se presenta e se ne fuie…
E’ Destino, e chella è ‘a legge;
che vuò fa? he ‘a tirà nnanze;
mo nu poco te protegge,
mo fa perdere ‘e speranze.
E si spiere n’ata vota
Pe nun perdere ‘a partita
He a girà comme a na rota,
tutt’’a vita, tutt’’a vita!
Ma ‘a sfurzata è troppo forte
Quanno he perza ‘a gioventù;
vene ‘o Vierno, vene ‘a Morte
e te pierde pure tu…
Antonino Alone
da “un secolo d’oro”
di Giovanni Sarno- Edizioni Bideri –Napoli
Gennaio 1968
Lascia un commento